ՅՊԲ.ի Երանացման արարողութեան առթիւ, հինգշաբթի 28 ապրիլի յետ միջօրէի՝ ժամը 5.30-ին,
Վատիկանի մէջ բացումը կը կատարուի ցուցահանդէսի մը <<ՅՊԲ.ի Երանացման առթիւ Պենետիկտոս
ԺԶ.ի մեծարանքը >> տիտղոսով։ Ցուցահանդէսը կազմակերպուած է Վատիկանի կողմէ, աջակցութեամբ՝
Լեհաստանի Դեսպանատան եւ Լեհաստանի մշակութային նախարարութեան ։ Այս ցուցահանդէսը
ունի 15 բաժին՝ ուր ցուցադրուած է Գարոլ Վոյթիուաի կեանքը եւ քահանայապետական շրջանը,
սկսելով՝ մանկութենէն մինջեւ քահանայական ձեռնադրութիւնը, եպիսկոպոսական օծումը եւ Սուրբ
Պետրոսի յաջորդ անուանումը։ Վատիկանի Պետական Քարտուղար Կարտինալ Թարչիզիօ Պերթոնէն բացումը
կը կատարէ ի ներկայութեան բարձրաստիճան հոգեւորականներու եւ Լեհ Քաղաքական ներկայացուցիչներու։
Ցուցահանդէսը կարելի է այցելել 29 ապրիլէն մինչեւ 24 յուլիս։